Ўзбекистон Республикаси Президенти сайловига хорижий давлатлар ва халқаро ташкилотлардан қатнашадиган кузатувчиларни аккредитация қилиш, Оммавий ахборот воситалари вакилларини аккредитациядан ўтказиш массалари кўриб чиқилмоқда.
Зайниддин Низомхўжаев - Марказий сайлов комиссияси раиси:
—"Биргина Европада хавфсизлик ва ҳамкорлик ташкилотининг Демократик институтлар ва инсон ҳуқуқлари бўйича бюросининг ўзидан 211 нафар кузатувчини аккредитация қилиш сўралмоқда.
Айни пайтда, Мустақил Давлатлар Ҳамдўстлиги, Шанхай Ҳамкорлик Ташкилоти, Европа Иттифоқи, Европа Парламенти, Туркий тилли давлатларнинг Парламент Ассамблеяси, Иқтисодий Ҳамкорлик Ташкилоти, Осиё Парламент Ассамблеяси каби қатор халқаро ташкилотларнинг 74 нафар вакили Ўзбекистон Президенти сайловини кузатиб бориш истагини билдирган.
Шунингдек, Америка Қўшма Штатлари, Австрия, Белгия, Буюк Британия, Германия, Грузия, Италия, Франция, Хитой, Чехия, Жанубий Кория, Латвия, Польша, Канада, Япония каби ўттиз давлатдан 126 нафар вакилдан ҳам ана шундай мурожаат тушган.
Шу ўринда бир рақамга эътиборингизни қаратмоқчиман: Америка Қўшма Штатларининг ўзидан ўттизга яқин кузатувчисини аккредитация қилиш таклиф этилмоқда. Бугун аккредитация қилинадиган жами халқаро кузатувчилар сони эса 411 нафарни ташкил этмоқда. "
