Сўнг юртимизнинг турли ҳудудларида фаолият юритаётган мактаб ўқитувчилари ва директорлари ўз фикр-мулоҳазалари билан ўртоқлашдилар, таклиф ва ташаббусларини айтдилар.
Мактабларда ёшларни ақлий ривожлантиришда муҳим ўрин тутадиган шахматни оммалаштириш учун алоҳида қарор лойиҳаси ишлаб чиқиладиган бўлди.
Ёшлар қалбида ватанпарварлик туйғусини кучайтиришда спортчи мураббийларимиз ва ҳарбийларимиз ҳам фаол бўлишлари зарурлиги таъкидланди.
Президент юртимиздаги барча ота-оналар, устоз ва мураббийларга мурожаат қилди:
Болаларнинг ёзма ишларини чуқур таҳлил қилиб, уларнинг орзу ва интилишларини аниқлаб, мустақил ҳаётга тўғри йўналтириш асосий вазифа бўлиши кераклиги таъкидланди.
Бу жамоаларга мусиқа ўқитувчилари раҳбарлик қилади. Мусиқа мактаблари эса жойларда таянч мактаби сифатида иш олиб боради.
Сифатли таълимнинг ажралмас қисми бўлган тарбия ва одоб-ахлоқ жараёнлари замонавий ёндашув асосида йўлга қўйилади.
Бу йил 14 та мактабда педагог касбига қизиққан 10-11-синф ўқувчилари учун алоҳида синфлар ташкил этилди.
Иқтидорли ёшларни селекция қилиш тизими янги босқичга олиб чиқилади. Бунинг учун халқаро даражада фан олимпиадаларига тайёрлаш маркази ташкил этилади.
Мактабгача, умумий ўрта, ўрта-махсус, олий таълим ва малака ошириш тизимида ягона узвий занжирни йўлга қўйиш учун педагогик таълим кластерлари ташкил этилади.
Ушбу йўналишда яна 1 мингта умумтаълим муассасасида Президент мактаблари ва ихтисослашган мактаблардаги баҳолаш тизимини жорий этиш бошланди.
Таълимда сифат ва рақобатни таъминлаш учун рақамлаштириш даражаси оширилади.