Сарвари Белорус роҳбари Ӯзбекистонро бо пирӯзии боварибахшаш дар интихоботи президентии як рӯз қабл баргузоргардида самимона табрик гуфта, дар татбиқи нақшаҳои пешбинишуда комёбӣ, инчунин ба халқи дӯсти ӯзбек беҳбудӣ ва шукуфоӣ таманно намуд.

Масъалаҳои ҳамкориҳои дуҷониба баррасӣ шуданд. Рушди босуръати равобити тиҷоратӣ ва тавсеаи миқёси ҳамкории корхонаҳои пешрафта, тақвияти табодули фарҳангиву гуманитарӣ бо қаноатмандӣ қайд карда шуд.

Президентҳо ҷонибдори идомаи ҳамкории зич дар доираи созмонҳои минтақавӣ, аз ҷумла Иттиҳоди Давлатҳои Мустақил ва Иттиҳоди иқтисодии Авруосиё буданд.