Ба иттилои агентии Синхуа, намояндаи пулиси минтақавӣ гуфтааст, ки ҷасадҳо дар ноҳияи Чисаруаи шаҳри Ғарбии Бандунг ёфт шудаанд. Аз 16 ҷасади пайдошуда танҳо шахсияти 7 нафар муайян гардидааст. Шахсияти қурбониёни боқимонда тавассути ташхиси ДНК муайян карда мешавад ва ҷасадҳои номаълум муваққатан дар беморхонаи маҳаллӣ нигоҳ дошта мешаванд.
Пештар Агентии миллии ҷустуҷӯ ва наҷоти Индонезия барои ҷустуҷӯи тақрибан 80 нафаре, ки эҳтимолан зери вайронаҳо мондаанд, тақрибан 250 кормандро сафарбар карда буд.
Ба иттилои агентӣ, дар амалиёт чандин ниҳод бо истифода аз дронҳо, сагҳои ҷустуҷӯ ва бинобар ноҳамвор будани релеф бо шумораи маҳдуди техникаи вазнин иштирок доранд, менависад report.az.
