Дар ҷаласаи Шӯро вазирони корҳои дохилии ҷумҳуриҳои Озарбойҷон, Белорус, Қазоқистон, Қирғизистон, Федератсияи Русия, Тоҷикистон, инчунин директори Бюрои ҳамоҳангсозии мубориза бо ҷиноятҳои муташаккил ва намудҳои хатарноки ҷиноят дар қаламрави давлатҳои аъзои ИДМ иштирок доштанд.
Дар мулоқот масъалаҳои афзалиятноки ҳамкории вазоратҳои корҳои дохилӣ ва полиси кишварҳои ИДМ дар татбиқи барномаҳои байнидавлатии мубориза бо ҷинояткорӣ, инчунин омода намудани лоиҳаи Барномаи байнидавлатии чорабиниҳои муштараки мубориза бо ҷинояткорӣ барои солҳои 2024-2028 мавриди баррасӣ қарор гирифтанд.
Бино ба иттилои хидмати матбуоти ВКД Ҷумҳурии Ӯзбекистон бинобар масъалаҳои баррасишуда як қатор ҳуҷҷатҳои марбут ба мувофиқи мақсад будани таъсиси Реестри ягонаи интернет-ресурсҳо, ки тибқи қонунгузории миллии кишварҳои аъзои ИДМ баста мешаванд, мубориза бо паҳншавии ғайриқонунии воситаҳои нашъадор, моддаҳои психотропӣ ва прекурсорҳои онҳо, ҳамкорӣ дар соҳаи пешгирии истифодаи шаҳрвандони давлатҳои аъзои Иттиҳод аз институти тағйири шаҳрвандӣ бо мақсади саркашӣ аз ҷавобгарии ҷиноятӣ ва дигар ҷавобгарӣ ва ғайра ба имзо расиданд.
Аъзоёни Шӯро ба саъю кӯшиши Вазорати корҳои дохилии Қирғизистон барои бодиққат омода ва бомуваффақият гузаронидани ҷаласае, ки дар фазои корӣ ва созанда, дар фазои дӯстӣ, эътимоди ҳамдигар ва ҳамкорӣ гузашт, баҳои баланд доданд.
