Дар мулоқот сенаторон ва намояндагони ҳайат ба масъалаҳои равобити мутақобилаи сиёсӣ ва ҳуқуқӣ, ҳамкориҳои иҷтимоӣ, тиҷоратӣ-иқтисодӣ, нақлиётӣ ва фарҳангию гуманитарии ду кишвар таваҷҷуҳ зоҳир намуданд.

Аз ҷумла, таъкид гардид, ки ба шарофати иродаи сиёсии раҳбарони ду давлат муносибатҳои дӯстонаи кишварҳои мо дар солҳои охир ба самти мусбат тағйир ёфта, дар навбати худ, дар ҳама соҳаҳо натиҷаҳои назаррас ба даст омадаанд.

Таъкид шуд, ки дар чаҳорчӯби равобити тиҷоративу иқтисодии Ӯзбекистон ва Тоҷикистон танҳо дар моҳҳои январ-августи соли 2022 ба маблағи 411,4 миллион доллар муомилоти мол анҷом шудааст.

Ба манзури боз ҳам беҳбуди равобити дӯстона миёни ду кишвар ҳаракати ҳавоӣ ва қатораи мусофирбар дар хатсайри “Тошканд – Душанбе” ва автобусҳо дар хатсайрҳои “Тошканд – Хуҷанд” ва “Тошканд – Душанбе” ба роҳ монда шуданд.

Зимнан зикр гардид, ки дар солҳои минбаъда дар марзҳои давлат 17 гузаргоҳҳо кушода шуд, ки аз ин ду халқ миннатдоранд.

Ҳамзамон, намояндагони ҳайат аз он хушнуданд, ки имрӯз дар кишвари мо Маркази миллии фарҳангии тоҷикон, инчунин марказҳои фарҳангӣ дар Бухоро, Ҷиззах, Қашқадарё, Намангон, Самарқанд, вилоятҳои Сурхондарё, Фарғона, Тошканд ва шаҳри Тошканд фаъолият доранд.

Дар рафти мулоқот таъкид гардид, ки дар кишварамон оид ба таъмини озодии матбуот, рӯшодӣ ва шаффофият, пурзӯр гардондани назорати давлатӣ аз болои фаъолияти мақомоти ҳокимияти давлатӣ ва идора, рушди фаъолияти ВАО, ислоҳсозии соҳаи иттилоотӣ, таъмини озодии сухан ва эътиқод мунтазам корҳо ба амал бароварда мешаванд.

Аз ҷумла, ҳоло дар ҷумҳурии мо 2082 воситаи ахбори оммавӣ амал мекунад, ки аз он 4-тоаш ба забони тоҷикӣ нашр мешавад, 5 барномаи телевизионӣ ва 30 барномаи радиошунавонӣ ба эфир паҳн мешавад.

Намояндагони ҳайат, инчунин бо фаъолияти Кумитаи оид ба масъалаҳои сиёсати ахбор ва таъмини рӯшодӣ дар мақомоти давлатии Сенати Олий Маҷлис шинос шуданд.