Ҳайати вакилони мамлакати моро Сарвазири Ҷумҳурии Корея Хан Дак Су кабул кард. Дар музокирот масъалаҳои амиқсозии минбаъдаи шарикии стратегии Ӯзбекистон ва Ҷумҳурии Куриё, таҳкими робитаҳои иқтисодӣ, татбиқи созишҳои қаблан ҳосилшуда, инчунин ба роҳ мондани ҳамкории зич байни идораҳои давлатии ду кишвар баррасӣ шуданд.
Дар доираи сафар ҷамъомади якуми Мулоқоти стратегӣ байни идораҳои сиёсати хориҷии Ўзбекистон ва Куриёи Ҷанубӣ - платформаи таҳкими эътимоди мутақобила ва шарикии наздик баргузор гардид. Ба ҳайатҳои ҷонибҳо вазирони корҳои хориҷии ду кишвар сарварӣ карданд. Зимни гуфтушунидҳо масъалаҳои таҳкими минбаъдаи ҳамкориҳои дуҷониба дар самтҳои гуногун баррасӣ шуданд. Ба ғанӣ гардондани дипломатияи иқтисодӣ диққати махсус дода шуд. Вазирон санадеро дар бораи натоиҷи нишасти аввали Муколамаи стратегӣ имзо карданд.
Раҳбари Вазорати корҳои хориҷии Ӯзбекистон бо раиси Ассамблея ва раиси Шӯрои Институти ҷаҳонии рушди сабз (GGGI) Пан Ги Мун мулоқот кард. Таваҷҷуҳи махсус ба татбиқи лоиҳаҳои муштарак, аз ҷумла дар доираи «Стратегияи банақшагирии кишварӣ GGGI Ӯзбекистон барои солҳои 2021-2025» ва «Стратегияи гузариши Ӯзбекистон ба иқтисодиёти сабз барои солҳои 2019-2030» зоҳир гардид. Натиҷаҳои лоиҳаҳои ҷорӣ ва бомуваффақият татбиқшаванда, ки ба коҳиши партовҳои газҳои гулхонаӣ, таъсиси ҷойҳои кории «сабз», тавсеаи дастрасӣ ба хизматрасониҳои устувор, баланд бардоштани самаранокии энергия, коҳиш додани оқибатҳои тағйирёбии иқлим ва ғайра нигаронида шудаанд, баррасӣ шуданд.
Дар Сеул форуми тиҷоратии Ӯзбекистону Корея баргузор шуд, ки дар он беш аз 300 намояндаи ширкатҳои бонуфузи ду кишвар ширкат доштанд. Дар маросим вазирони корҳои хориҷии Ӯзбекистон ва Ҷумҳурии Корея суханронӣ карданд. Зимнан зикр гардид, ки айни замон дар Ӯзбекистон лоиҳаҳои муштарак ба маблағи тақрибан 13 миллиард доллар амалӣ карда мешаванд.Дар 4 соли охир шумораи корхонаҳо дар кишвари мо бо иштироки сармояи Кореяи Ҷанубӣ ду баробар афзоиш ёфтааст.
Ҳайати Ўзбекистон таҳти сарварии вазири корҳои хориҷӣ инчунин ба сарони як қатор ширкатҳои бузурги Ҷумҳурии Куриё музокироти алоҳида анҷом дод, хабар медиҳад хидмати матбуоти ВКХ Ҷумҳурии Ӯзбекистон.
