Дар ин чорабинӣ масъалаҳои минтақавӣ ва ҷаҳонӣ, инчунин самтҳои асосии фаъолияти Эътилофи тамаддунҳои СММ барои пешомади наздик ва дарозмуддат мавриди баррасӣ қарор гирифтанд.
Дар суханронии худ муовини аввали вазири корҳои хориҷӣ таъкид кард, ки Ӯзбекистон ба фаъолияти Эътилофи тамаддунҳо аҳамияти махсус медиҳад, ки он дар татбиқи Рӯзномаи рушди устувори СММ то соли 2030 нақши муҳим мебозад.
Қайд гардид, ки моҳи сентябри соли ҷорӣ дар доираи ҷаласаи 79-уми Ассамблеяи генералии СММ чорабинии махсус таҳти унвони «Таҳкими муколамаи байнифарҳангӣ ва байнитамаддунӣ барои суръат бахшидан ба ноил шудан ба Ҳадафҳои рушди устувор», ки бо ташаббуси Ӯзбекистон ва бо ҳамкорӣ бо Эътилофи тамаддунҳо ташкил шуда буд, бо муваффақият баргузор гардид.
Ҳамчунин таъкид шуд, ки дар соли оянда Ӯзбекистон мизбони ду чорабинии бузурги байналмилалӣ - ҷаласаи 43-юми Конфронси генералии ЮНЕСКО ва Ассамблеяи ҷашнии 150-уми Иттиҳоди байнипарлумонӣ хоҳад шуд. Ин рӯйдодҳо имконияти нодирро барои пешбурди ғояҳои гуногунии фарҳангӣ ва муколама байни тамаддунҳо ва фарҳангҳо фароҳам хоҳанд овард, хабар медиҳад хадамоти матбуоти Вазорати корҳои хориҷии Ӯзбекистон.
