Масъалаҳои бо ташаббуси Президенти Ҷумҳурии Ўзбекистон Шавкат Мирзиёев ташкил кардани Конфронси коршиносони “Осиёи Марказӣ – Иттиҳоди Аврупо: рӯзномаи нави ҳамкорӣ дар соҳаи амният” баррасӣ шуданд.
Ҷонибҳо ҳамчунин доир ба имкони таҳия ва роҳандозии лоиҳаҳои нави минтақавӣ миёни Осиёи Марказӣ ва ИА ҷиҳати мубориза бо таҳдиду чолишҳо, аз қабили радикализм, терроризм, киберамният, ҷиноятҳои муташаккил ва қочоқи инсон табодули афкор намуданд.
Сафир С.Адриан пешниҳод намуд, ки дар Тошканд "мизи мудаввар"-и муштарак бо иштироки роҳбарони намояндагиҳои дипломатии Иттиҳоди Аврупо дар Осиёи Марказӣ, инчунин намояндагони доираҳои коршиносӣ ва таҳлилии кишварҳои минтақа ва Иттиҳоди Аврупо баргузор карда шавад.
Илова бар ин, доир ба ташкили Анҷумани “Марказҳои ақлӣ”-и кишварҳои Осиёи Марказӣ ва Иттиҳоди Аврупо бо мақсади баррасии масъалаҳои рушди ҳамкориҳои тиҷоратӣ-иқтисодӣ, коридорҳои нақлиётӣ ва сайёҳӣ, инчунин рақамикунонии иқтисодиёт табодули афкор сурат гирифт.
Дар хотима ҷонибҳо ба мувофиқа расиданд, ки муҳокимаи масъалаҳои мубрами рӯзномаи дуҷонибаро идома диҳанд.
