Фонди Zamin, Ҷоқарги Кенеси Ҷумҳурии Қароқалпоқистон, ВТТМ, вазорати тандурустӣ, ҶС «Ўзсувтаъминот» бо дастгирии Барномаи Рушди СММ ва ЮНИСЕФ оид ба татбиқи лоиҳаи Оби тозаи ошомиданӣ созишнома ба имзо расониданд.
Созишнома татбиқи компонентҳоро оид ба мусоидат дар таъмини дастрасии аҳолӣ ва объектҳои иҷтимоии Ҷумҳурии Қароқалпоқистон ба оби ошомиданӣ, пеш аз ҳама, дар ҷойҳое, ки дар таъмини он душвориҳо ба амал меоянд, пешбинӣ мекунад.
Барои баланд бардоштани дониши амалии аҳолӣ, муаллимону донишҷӯён, коркунони муассисаҳои тиббӣ оид ба масъалаҳои истифодаи оқилонаи об, санитария ва гигиена якҷоя тадбирҳо ба амал бароварда мешаванд.
Дар тӯли ҳафт соли охир дар Ҷумҳурии Қароқалпоқистон 6 784 лоиҳа ба маблағи 17 триллиону 800 миллиард сӯм татбиқ гардид. Дар натиҷа 56 ҳазор ҷои кор ба вуҷуд омад. Дар ин муддат ба маблағи 2 миллиарду 815 миллион доллар мол содир шудааст.
Қарори Девони Вазирони Ҷумҳурии Ўзбекистон «Дар бораи тасдиқ кардани Низомномаи муваққатӣ дар бораи тартиби додани субсидия ба субъектҳои Ҷумҳурии Қароқалпоқистон, ки пахта, зироати ғаллагии хушагӣ, ва шолӣ мерӯёнанд, барои хароҷоти ҳамворкунии замин бо истифода аз агрегатҳои заминсозӣ бо дастгоҳи лазерӣ дар солҳои 2024-2025» аз 24 июни соли 2024 № 348 қабул гардид.
6 ноябри соли равон Раиси Ҷумҳурии Тотористон Рустам Миннихонов бо сафари расмии корӣ ба Ҷумҳурии Қароқалпоқистон ба Ӯзбекистон омад. Дар ин бора дафтари матбуоти сарвари Тотористон хабар додааст.
23-29 октябри соли ҷорӣ дар Нуқус Олимпиадаи байналмилалии оид ба математикаи ба номи Муҳаммад ал-Хоразмӣ баргузор мегардад. Он аз ҷониби Вазорати таълими олӣ, илм ва инноватсияи Ҷумҳурии Ӯзбекистон якҷоя бо Шӯрои Вазирони Ҷумҳурии Қароқалпоқистон ва Вазорати таълими олӣ, илм ва инноватсияи Ҷумҳурии Қароқалпоқистон ташкил карда мешавад.
