Зиёда аз 1200 нафар мутахассисону коршиносони хориҷӣ ва ватанӣ аз зиёда аз 30 кишвари ҷаҳон, аз қабили Озарбойҷон, Беларус, Британияи Кабир, Юнон, Ҳиндустон, Италия, Эрон, Испания, аз ҷумла кормандони муассисаҳои таҳсилоти олӣ ва касбӣ, ки дар соҳаи сайёҳӣ таҳти роҳбарии муовини аввали вазири таълими олӣ, илм ва инноватсия Комилжон Каримов дар чорабинӣ широкат варзиданд.

Дар форум доир ба стратегия ва нақши барномаҳои таълимӣ дар ташаккули ояндаи соҳаи сайёҳӣ, инчунин ҳадафҳо, дидгоҳҳо ва амалҳо дар ин самт маълумот дода шуд. Масъалаҳои сиёсате, ки навоварӣ ва таълимро барои наслҳои ҳозира ва оянда дар бахши сайёҳӣ ҳавасманд мекунанд, низ баррасӣ шуданд.

Аввалин маърӯзаи асосӣ «Маориф, сармоягузорӣ ба оянда» ба имкониятҳо ва мушкилоти марбут ба сармоягузорӣ ба маориф тааллуқ дошт. Аҳамияти ҳамоҳангсозии инноватсия дар соҳа, сармоягузорӣ ба таҳсилоти сайёҳӣ таъкид шуд.

Суханронии дуюми асосӣ ба мавзӯи "Ифтитоҳи потенсиали фардо: тағйир додани технология, инноватсия ва маориф барои ояндаи беохир" бахшида шуд. Дар ин лексия технологияҳои навтарин ва тамоюлҳои соҳаи маориф равшан карда шуданд.

Дар ҷамъбасти ҳамоиш бо мақсади ба роҳ мондани ҳамкориҳои дуҷониба миёни муассисаҳои таҳсилоти олӣ ва касбӣ, ки кадрҳои соҳаи сайёҳӣ омода мекунанд, ҳудуди 30 тафоҳумнома ба имзо расид.

Қобили зикр аст, ки дар се соли охир дар Ӯзбекистон маориф дар соҳаи сайёҳӣ босуръат рушд карда, шумораи муассисаҳои таҳсилоти олии касбӣ аз 16 ба 30 адад ва шумораи донишҷӯён аз 4100 ба 11500 нафар расид. Бар замми ин, бо ташаббуси Президенти Ҷумҳурии Ӯзбекистон Шавкат Мирзиёев дар соли 2018 дар Самарқанд Донишгоҳи байналмилалии сайёҳӣ ва мероси фарҳангии “Роҳи абрешим” таъсис дода шуд, ки ба яке аз муассисаҳои таълимии пешрафтаи сайёҳии кишвари мо табдил ёфт.