Дар бораи ҳамлаи дрон ҳамчунин рӯзномаи туркии Sözcü навиштааст. Тибқи иттилои Business Recorder ва India Today, агентии Reuters бо истинод ба манбаи соҳа хабар медиҳад, ки ширкат баъди зарбаи дрон фаъолияти ба корхонаи коркарди нафти худ дар Рас-Танураро қатъ кардааст. Ба гуфтаи манбаъ, вазъият таҳти назорат қарор дорад. Манбаъҳои Bloomberg низ дар бораи боздошти фаъолияти корхона хабар додаанд.
Saudi Aramco — ширкати давлатии нафтии Арабистони Саудӣ ва бузургтарин истеҳсолкунандаи нафт дар ҷаҳон мебошад. Ширкат то 80 фоиз даромади буҷети Арабистони Саудиро таъмин мекунад. Сарраёсати ширкат дар шаҳри Даҳрон ҷойгир аст. Дар рӯйхати бузургтарин ширкати ҷаҳон Forbes Global 2000 барои соли 2021, ширкат ҷойи панҷумро ишғол карда буд.
Шаби 2 март Эрон инчунин ба пойгоҳи НАТО «Виктория», ки дар Ироқ воқеъ аст, ҳамла кард. Дар маҷмӯъ 27 пойгоҳи низомии ИМА дар Ховари Миёна, инчунин бинои фармондеҳии Артиши дифоии Исроил ва маҷмааи дифоӣ дар Тел-Авив мавриди ҳамлаи Эрон қарор гирифтанд.
28 феврал президенти ИМА Доналд Трамп эълон кард, ки амалиёти бузурги низомии ИМА ва Исроил алайҳи Эрон оғоз шудааст. Ӯ инро бо нокомии музокирот оид ба барномаи ҳастаии Эрон шарҳ дод. Дар ҷараёни ҳамлаи Исроил, раҳбари олии Эрон Алӣ Хоманаӣ кушта шуд. Эрон дар посух ба пойгоҳҳои низомии Амрико дар Ховари Миёна бо ракета ва дронҳо ҳамла анҷом дод, хабар медиҳад centralasia.media.
