Дар ҷамъияти масъулияташ маҳдуди ADM Jizzakh, ки дар минтақаи озоди иқтисодии "Ҷиззах" воқеъ аст, ҷамъоварии автомобилҳои гиреҳкалон ташкил карда шудааст. Марҳилаи аввали ин лоиҳа моҳи марти соли равон оғоз шуда буд.
Президент Шавкат Мирзиёев бо ҷараёни технологии завод шинос шуд.
Арзиши марҳилаи аввали лоиҳа беш аз 12 миллион долларро ташкил дод. Иқтидори солонаи истеҳсолӣ 25 ҳазор адад аст. Дар заводи мултибрендӣ 10 моделҳои автомобилҳои KIA, Renault ва Lada ҷамъоварӣ карда мешаванд. То имрӯз беш аз 2 ҳазор мошин ба бозори дохилӣ ворид карда шудааст. Ба туфайли сифати баланд, тарҳи замонавӣ ва бароҳатӣ, сарфакорӣ, арзиши пасти хидматрасонӣ ва осонии истифодабарӣ, ин мошинҳо ба мизоҷон писанд меоянд. Ба воситаи нақлиёт кафолати панҷсола дода мешавад. Дар корхона 250 нафар мутахассисон кор мекунанд.
Ба сарвари давлат дар бораи марҳилаи дуюми лоиҳа маълумот дода шуд.
Дар доираи марҳилаи дуввум ба маблағи 216 миллион доллар васлкунии гиреҳҳои хурд азхуд карда мешавад. Пешбинӣ шудааст, ки истеҳсоли 314 намуд қисм, инчунин иҷрои корҳои кафшеркунӣ, рангуборкунӣ ва монтажкунӣ ташкил карда шавад. Санаи ба кор даровардан семоҳаи аввали соли 2023 мебошад.
Дар натиҷа иқтидори корхона дар як сол ба 100 ҳазор адад мерасад. Боз 3 ҳазор ҷойҳои нави корӣ ташкил карда шуда, маҳаллигардонӣ то 30 фоиз расонда мешавад ва содироти солонаи автомобилҳо 150 мимллион долларро ташкил медиҳад. Завод истеҳсоли мошинҳои тайёр ва қисмҳои ҷузъиро азхуд намуда, ба тадқиқоти тарроҳӣ, логистика ва омӯзиши кадрҳо шурӯъ мекунад.
Ҳамзамон фаъолияти завод ба рушди истеҳсолоти хурд ва бахши хизматрасонӣ такони ҷиддӣ мебахшад. Ҳамин тариқ, имрӯз дар ноҳияҳои Ҷиззак, Пахтакор ва Шароф Рашидов 60 лоиҳа ба маблағи 500 миллион доллар барои истеҳсоли ҷузъҳо ва қисмҳои эҳтиётӣ ташаккул ёфтааст. Илова бар ин, дар минтақа маркази таҷрибавии тарроҳӣ якҷоя бо ширкатҳои пешбари муҳандисии Амрико ва Аврупо таъсис дода мешавад.
Президент оид ба баланд бардоштани сатҳи маҳаллигардонӣ, кам кардани арзиши мошинҳо, васеъ гардондани интихоби истеъмолкунандагон дастур дод.
