Тавре Report бо истинод ба Reuters хабар медиҳад, дар ин
бора телевизиони давлатии Чин иттилоъ додааст.
Тибқи маълумот, робот бо лақаби «Барқ» ин натиҷаро дар ҷараёни
озмоишҳои омодагӣ ба дуюмин Бозиҳои ҷаҳонии роботҳои одамшакл нишон додааст. Ин
мусобиқаҳо рӯзи шанбе дар Пекин оғоз шуданд.
Суръати ниҳоии робот ба 14,5 метр дар як сония расидааст.
Барои муқоиса, Усэйн Болт
масофаи 100 метрро дар 9,58 сония тай карда буд. Ин рекорди амалкунандаи ҷаҳонӣ
мебошад, ки 16 августи соли 2009 дар чемпионати ҷаҳон дар Берлин муқаррар
шудааст.
Моҳи апрел «Барқ»
инчунин дар ниммарафони 21-километра дар Пекин пирӯз шуда, масофаро дар 50 дақиқаю
26 сония тай кард. Ин натиҷа низ аз рекорди ҷаҳонӣ байни варзишгарони сатҳи олӣ
беҳтар буд.
Ҳангоми иштирок
дар ниммарафон қади робот 169 сантиметр ва дарозии пойҳояш 95 сантиметр буд.
Баъдан муҳаққиқон дарозии пойҳои онро 10 сантиметр зиёд карда, ба 1,05 метр
расонданд.
