Тибқи иттилоъ, дар ташкилоти пардохтии ҶСК «Octagram», ки ба ширкати «Humans» хизматрасониҳои пардохтӣ мерасонд, бо супориши Бонки марказӣ санҷиш анҷом дода шуд. Маълумотномаи таҳияшуда аз натиҷаи ин санҷиш ба Сарраёсати корҳои дохилии шаҳри Тошканд барои додани баҳои ҳуқуқӣ ва андешидани чораҳои дахлдор ирсол карда шудааст.
Дар айни замон ин вазъият аз ҷониби Сарраёсати корҳои дохилии шаҳри Тошканд мутобиқи тартиби муқаррарнамудаи қонунгузорӣ мавриди омӯзиш қарор дорад. Дар робита ба ин, шаҳрвандон даъват шудаанд, ки дар ҳолати зарурат ба мақомоти ҳифзи ҳуқуқ муроҷиат намоянд.
Бонки марказӣ бори дигар таъкид кард, ки ҳар як бонк ва ташкилоти пардохтӣ уҳдадоранд ҳифзи ҳуқуқҳои истифодабарандагони хизматрасониҳои молиявиро таъмин намоянд.
