Дар ин замина, дастоварди муҳими Маркази ҷавонон ва занон «Лидер»-и вилояти Навоӣ дар соли 2024 татбиқи як қатор лоиҳаҳо мебошад, ки ба тағйири тарзи зиндагии занон ва духтарон дар ҷомеа равона шудаанд.
Лоиҳаи мо «Оила таҳти ҳимояи ҷомеа ва давлат» бо маблағҳои Бунёди ҷамъиятӣ оид ба дастгирии ташкилотҳои ғайридавлатӣ ва дигар муассисаҳои ҷомеаи шаҳрвандии назди Олий Маҷлиси Ҷумҳурии Ӯзбекистон дар даҳ шаҳр ва ноҳияҳои вилояти Навоӣ 10 равоншиноси мураббиро ҷалб намуда, онҳоро бозомӯзӣ кард. Барои зиёда аз ҳазор зан тренингҳои равоншиносӣ ва машваратҳои инфиродӣ ташкил кардем. Ҳамчунин равоншиносони мо ҳашт маротиба дар судҳо бо хулосаҳои худ иштирок карданд, - нақл мекунад роҳбари Маркази ҷавонон ва занони «Лидер»-и вилояти Навоӣ Гулбону Қуватова. - Дар доираи лоиҳаи «Диалог», ки онро Бунёди ҷамъиятӣ оид ба дастгирии ташкилотҳои ғайридавлатӣ дар назди Шӯрои вакилони халқи вилояти Навоӣ маблағгузорӣ мекунад, барномаи мобилии «Диалог»-ро таҳия кардем, ки ба баланд бардоштани ёрии аввалияи равонӣ ва саводнокии равонӣ дар байни аҳолӣ равона шудааст, ва инчунин тренингҳои равоншиносӣ барои сокинони се маҳаллаи шаҳри Навоӣ ташкил кардем. Маблағгузории лоиҳаи «Қадами нав» аз ҷониби намояндагии фонди «Евразия» дар Қазоқистон амалӣ карда мешавад. Бо маблағҳои гранти ҷудошуда дар асоси ташкилоти ҷамъиятии мо клиникаи равоншиносиро кушодем, ки дар он зиёда аз 40 зан кӯмаки ройгони равонӣ гирифтанд.
Дар доираи меморандумҳои имзошудаи ҳамкорӣ байни «Лидер» ва даҳ ташкилоти давлатӣ ва ғайридавлатиро қайд кардан ҷоиз аст. 18 ихтиёрии ҷавон дар лоиҳаҳо ва синфҳои маҳорати гуногун хизмат расонданд.
Дар доираи лоиҳаи «Қадами нав» тадқиқоти иҷтимоӣ гузаронида шуд, то ки ниёзҳои занони бекори шаҳр Навоӣ, ки ба «Дафтари занона» шомил ҳастанд, омӯхта шавад, - идома дод Г.Қуватова. - Тибқи лоиҳаи мо «Оинаи ҷомеаи занон», ки онро филиали Агентии ҳамкории техникӣ ва рушди Фаронса (ACTED) дар Ӯзбекистон маблағгузорӣ мекунад, курсҳои чормоҳа оид ба асосҳои саводнокии компютерӣ ва соҳибкорӣ оғоз шуданд, ки ҳадафашон таъмин намудани шуғли занони дохили «Дафтари занона», ки дар шаҳри Навоӣ зиндагӣ мекунанд, беҳтар кардани вазъи моддӣ ва маънавии онҳо, инчунин рушди малакаҳои касбии онҳо мебошад. 50 занон сабақ гирифтанд ва ба онҳо сертификатҳо дода шуд. Ҳамчунин дар доираи лоиҳа ба 50 зан кумаки равонӣ ва ҳуқуқӣ расонида шуд.
Дилдора Орзумуродова, иштирокдори лоиҳа, ки дар Тоҷикистон таваллуд ва ба воя расидааст, гуфт, ки 10 сол аст дар Ӯзбекистон зиндагӣ мекунад, хонашин аст, бо ҳунарманде издивоҷ кардааст ва ду фарзандро тарбия мекунад. Дар курсҳои саводнокии компютерӣ таҳсил намуд, то ки донишҳои гирифтаашро ба фарзандонаш интиқол диҳад. Донистани компютерро зарурати замони ҳозира мешуморад.
Дар доираи лоиҳаи «Оинаи ҷомеаи занон» маркази «Лидер» сафарҳои тиҷоратиро ба боғи экологии Buxoro varnet барои шиносоӣ бо фаъолияти гармхонаҳо, ба коргоҳҳои истеҳсолии Chados 2009, ки дар он ҷо лӯхтакҳои миллӣ ва маҳсулоти болиштӣ истеҳсол мешаванд, инчунин ба иншооти соҳибкорӣ дар технопарки шаҳри Навоӣ ташкил кард. Ҳангоми боздид аз онҳо, занон инчунин дар соҳаҳои маркетинг, идораи кадрҳо, реклама, фурӯш ва бисёр чизҳои дигар дониши назариявӣ гирифтанд.
Илова бар ин, ба 50 зан кумаки равонӣ ва ҳуқуқӣ расонида шуд, то ки ба иштирокдорони курс дар оила ва ҷомеа озодона баромад кардан, эътимоди худро баланд бардоштан, мушкилоти саломатии равонӣ, бартараф намудани оқибатҳои ҳолатҳои депрессияоварро ҳаллу фасл кардан, беҳтар намудани муносибатҳои байнифардӣ ва рушди шахсият кӯмак расонида шавад. Семинарҳо ва тренингҳои ҳавасмандкунанда, ки ба мутобиқсозии иҷтимоии шахс нигаронида шудаанд, гузаронида шуданд.
Дилфуза Гулямова.
