Бо мақсади рӯшан сохтани вазъ, намояндагони намояндагии дипломатии Ӯзбекистон дар АМА бо роҳбарияти Раёсати кофтукови ҷиноятии Дубай мулоқот анҷом доданд, хабар медиҳад Вазорати корҳои хориҷии Ӯзбекистон.
Зимни вохӯрӣ ҷониби Дубай иттилоъ дод, ки тафтиши парвандаи мазкур идома дорад ва дар доираи он 15 шаҳрванди Ӯзбекистон боздошт шудаанд.
Ҳамзамон таъкид гардид, ки афзоиши шумораи қонуншиканиҳо аз ҷониби шаҳрвандони Ӯзбекистон дар давраи охир метавонад низоми бераводиди байни Ӯзбекистон ва АМА-ро зери хатар гузорад.
Вазорати корҳои хориҷии Ӯзбекистон изҳор дошт, ки кор дар ин самт дар ҳамкорӣ бо мақомоти дахлдори ҳифзи ҳуқуқ идома дорад.
Дар робита ба ин, вазорат аз шаҳрвандони Ӯзбекистон, ки дар хориҷ қарор доранд, даъват ба амал овард, ки аз амалҳои ғайриқонунӣ, ки шараф ва номи кишварашонро доғдор месозанд, худдорӣ намоянд.
