Имрӯз 46 фоизи аҳолии вилояти Сурхондарё ба таъминоти оби нушокии марказонидашуда дастрасӣ надоранд. 216 иншооти гидротехникӣ ва беш аз 3 ҳазор километр шабакаҳои обрасонии минтақа таъмирталабанд. Минерализатсияи баланди об дар минтақаҳои ҷанубии вилоят ва шаҳри Тирмиз ба мушоҳида мерасад.
Ба ин муносибат Президент зимни сафараш ба вилояти Сурхондарё 2 июни соли равон дастур дод, ки шабакаи асосии обгузар аз обанбори Тупаланг гузаронида шавад. Мувофиқи ин лоиҳаи пешакии сохтмони ин шабака таҳия карда шуд.
Тибқи лоиҳа, дар қисми поёнии обанбор иншоот барои паст кардани фишор, поксозӣ ва тақсимоти об сохта мешаванд, ки аз онҳо то ҷузъҳои обтақсимкунанда 361 километр қубури об кашида мешавад. Дар натиҷа сохтмони низом таъминоти оби 1 миллиону 700 ҳазор сокинони ноҳияҳои Сариосиё, Деҳнав, Шурчи, Қумқӯрғон, Ҷарқӯрғон, Бандихон, Қизириқ, Ангор, Музработ, Тирмиз ва шаҳри Тирмиз беҳтар гардонда хоҳад шуд.
Арзиши умумии лоиҳа 138 миллион доллар арзёбӣ мешавад ва ба истифодабарии он дар соли 2024 ба нақша гирифта шудааст.
Сарвари давлатамон лоиҳаро маъқул донист ва супориш дод, ки ба татбиқи зина ба зинаи он шурӯъ карда шавад. Муҳимияти иҷрои корҳои сохтмонӣ дар якҷоягӣ бо барномаи "Деҳаи обод", ҷорӣ намудани механизмҳои шарикии давлатию хусусӣ дар соҳаи обтаъминкунӣ қайд карда шуд.
Бахши хизматрасонӣ дар ҳаёти иқтисодӣ ва иҷтимоии кишвар нақши муҳим дорад. Бо қарори Президенти Ҷумҳурии Ўзбекистон "Дар бораи чораҳо оид ба рушди босуръати соҳаи хидматрасонӣ" аз 11 май мақсади ба драйвери муҳими иқтисодиёт табдил додани ин соҳа ва ду баробар афзун гардондани ҳаҷми хидматрасонӣ дар соли 2023 муайян шудааст. Вазифа гузошта шуд, ки барномаҳои минтақавии рушди соҳаи хизматрасонӣ барои солҳои 2021-2023 тасдиқ карда шаванд.
Шаҳри Тошканд барои рушди соҳа имкониятҳои бузург дорад. Аз ҷумла, дар моҳҳои июн-декабри соли ҷорӣ дар соҳаи хизматрасонӣ 415 ҳазор ҷойҳои корӣ таъсис дода мешавад. Интизор меравад, ки ин нишондиҳандаҳо тавассути кушодани корхонаҳои нав ва шабонарӯзӣ кор кардани кӯчаҳои савдо ва шавқангез, ҳавасмандгардонии худкорӣ, ба иҷора додани биноҳо дар ошёнаҳо ва таҳхонаҳо ба даст оварда шаванд. Аз ҷумла, дар моҳҳои июн-июл 24 ҳазор нафар ба кори мустақилона оғоз карданд ва 17 ҳазор нафари дигар дар корхонаҳои нав ба кор ҷалб шуданд.
Президент дастур дод, ки ин таҷриба дар дигар минтақаҳои кишвар ҷорӣ карда шавад. Муҳимияти расман ба расмият даровардани фаъолияти хидматрасонандагон бо роҳи ворид намудани ислоҳҳо ба қонунгузорӣ ва ба онҳо додани сабукиҳои молиявӣ таъкид карда шуд.
