Тибқи маълумоти Лабораторияи астрономияи офтобии Институти тадқиқоти кайҳонии Академияи илмҳои Русия, эҳтимол меравад, ки ин ашё як заррачаи галактикӣ бошад.
«Паррандаи болои Офтоб» қаблан 25 майи соли 2025 мушоҳида шуда буд. Паҳнои «болҳо»-и он тақрибан 150 ҳазор километрро ташкил медод. «Парранда» дар баландии тақрибан 2 миллион километр аз сатҳи Офтоб парвоз карда буд. Бино ба андешаи олимон, андозаи он аз сайёраи Замин даҳ баробар бузургтар будааст. Объект хеле зуд нопадид шуд — дар тасвирҳое, ки баъди 10 дақиқаи пайдо шуданаш гирифта шуданд, дигар дида намешуд.
Хусусияти объект то ҳол номаълум аст. Коршиносон бар он ақидаанд, эҳтимол дорад «парранда» як протуберанси офтобӣ бошад. Яъне хориҷшавии массаи нисбатан сард аз тоҷи Офтоб, ки бо магнитосфераи он вобастагӣ дорад. Одатан қисми зиёди ин модда тавассути шабакаҳои магнитӣ дубора ба сатҳи Офтоб бармегардад. Аммо баъзе хусусиятҳои «парранда» (масалан, зуд нопадид шудани он), бо ин назария мувофиқат намекунанд, хабар медиҳад mir24.tv.
