Сарони давлатҳо масъалаҳои марбут ба табодули шаҳрвандони Русия ва Амрикоро баррасӣ намуданд. Президенти ИМА итминон дод, ки ҷониби Амрико тамоми созишҳои бадастомадаро иҷро хоҳад кард, хабар доданд аз Маъмурияти Президенти Русия.
Мавзӯи ҳалли низоъ дар Украина низ баррасӣ гардид. Доналд Трамп изҳори назар кард, ки ҷанг бояд ҳарчи зудтар қатъ шавад ва мушкилот бо роҳи осоишта ҳал гардад. Владимир Путин, аз ҷониби худ, зарурати бартарафсозии сабабҳои асосии низоъро таъкид карда, бо назари Доналд Трамп розӣ шуд, ки ҳалли дарозмуддати масъала тавассути гуфтушунидҳои сулҳомез имконпазир аст.
Президенти Русия инчунин яке аз нуқтаҳои калидии роҳбари Амрикоро дастгирӣ кард, ки вақт фаро расидааст, то кишварҳои мо якҷоя кор кунанд.
Ҳангоми суҳбат масъалаҳои ҳалли мушкилоти Ховари Миёна, барномаи ҳастаии Эрон ва муносибатҳои иқтисодии Русия ва ИМА муҳокима шуданд.
Президенти Русия Президенти ИМА-ро даъват кард, ки ба Маскав сафари расмӣ анҷом диҳад ва омодагии худро барои ба ҳузур пазируфтани мақомоти Амрико дар Русия дар бахшҳои мавриди таваҷҷуҳи тарафайн, аз ҷумла ҳалли масъалаи Украина изҳор дошт.
Владимир Путин ва Доналд Трамп ба мувофиқа расиданд, ки тамосҳои шахсӣ, аз ҷумла ташкили вохӯриҳои шахсиро идома диҳанд.
