Тавре ки Report хабар медиҳад, дар бораи ин мавзӯъ рӯзномаи The New York Times бо истинод ба як мақоми баландпояи исроилӣ менависад.

Ба иттилои нашрия, эҳтимол аст захираҳои урани ғанишуда дар Фордо ва Натанз бетағйир боқӣ монда бошанд. Ҳамзамон, ИМА ва Исроил бар он назаранд, ки ба онҳо муяссар шудааст тамоми сентрифугаҳои иншооти ёдшудаи ҳастаиро аз кор бароранд ё вайрон кунанд. Ба гуфтаи рӯзнома, эҳтимолияти он, ки Теҳрон кӯшиш кунад ин сентрифугаҳоро дубора ба ҳолати корӣ баргардонад, хеле кам аст.

Тавре рӯзнома қайд мекунад, Эрон метавонад сиёсати худро тағир диҳад ва ба ҷои тамаркузи бисёре аз иншооти ҳастаӣ дар як ҷо ба тақсими барномаҳои ҳастаии худ дар байни иншооти хурд дар саросари кишвар шурӯъ кунад.

Эрон борҳо изҳор кардааст, ки мақсад аз барномаи ҳастаии он сохтани силоҳи ҳастаӣ нест. Дар мусоҳиба бо рӯзномаи лаҳистонии Rzeczpospolita директори генералии Оҷонси байналмилалии энержии атомӣ (МАГАТЭ) Рафаэл Гроссӣ изҳор кардааст, ки агентӣ нишонаҳои омодагии Теҳрон барои тавлиди силоҳи ҳастаиро қайд накардааст.