Дирӯз лоиҳа – имрӯз корхонаи замонавӣ

    Ҳукумат 2 Fevral 2023 4576

    Президент Шавкат Мирзиёев имрӯз бо сафари корӣ дар вилояти Фарғона қарор дорад.

    Сарвари давлат дар моҳи майи соли 2022 зимни сафари худ ба минтақа бо лоиҳаи кластери "Global textile infinity" шинос шуд. Супоришҳои дар он вақт додашударо ба назар гирифта, иҷрои лоиҳа тезонда, дар моҳи декабри соли гузашта истеҳсолоти бофандагӣ ба истифода дода шуд.

    Президент бо фаъолияти ин корхонаи ноҳияи Қӯштеппа шинос шуд.

    Дар ин ҷо силсилаи пурраи ҷамъоварӣ ва коркарди пахта ба роҳ монда шудааст. Фабрикаи калони арзишаш 132 миллион евро ташкил карда, таҷҳизоти ширкати Швейтсария "Rieter Machine Works" насб карда шуд.

    Корхона дар як сол 18 миллион метр матои омехта ва 10 миллион дона маҳсулоти тайёр истеҳсол карда метавонад. Ба нақша гирифта шудааст, ки ба кишварҳои Аврупо ва Чин ба маблағи 85 миллион евро маҳсулот содирот карда шавад. Барои ин дар корхона лабораторияи назорати сифат ташкил карда шудааст.

    Президент зарурати васеъ гардондани номгӯи маҳсулоти тайёр, барқарор намудани шарикӣ бо брендҳои маъруфро зикр намуд.

    Инчунин он чиз муҳим аст, ки корхонаҳои сарфакоронаи энергия дар истеҳсолот истифода шаванд. Дар болои боми фабрика панелҳои офтобӣ васл карда шуда истодаанд, ки имкони муваффақ шудан ба самараи 23 фоизаи истеъмоли энергияро фароҳам меорад.

    Ҳоло дар фабрика 1,5 ҳазор кас кор мекунад. Моҳи марти соли ҷорӣ дар ин ҷо истеҳсоли матои бофандагӣ cap мешавад. Инчунин дар ноҳияи Учкӯприк корхонаҳои истеҳсоли ришта ва матоъ, инчунин коркарди пахта бунёд мегарданд. Он гоҳ шумораи умумии ҷойҳои корӣ дар кластер қариб ба 5 ҳазор мерасад.

    Дар ин ҷо маркази таълим ва хонакорӣ низ кушода шудааст, ки дар он аз рӯи 4 самт мутахассисони барои корхона зарурӣ тайёр карда мешаванд.

    Президент оид ба рушди саноати пахта ва нассоҷӣ дар вилоятҳои водӣ ҷаласа баргузор кард.

    Дар тӯли шаш соли охир дар ин минтақаҳо 35 кластер созмон дода шуда, беш аз 150 лоиҳаи бузург ба маблағи 670 миллион доллар татбиқ гардид.

    Чӣ хеле ки маълум аст, 26 январи соли ҷорӣ Президент ба қарор дар бораи дастгирии минбаъдаи фаъолияти кластерҳои пахта имзо гузошт. Мувофиқи ҳуҷҷат ба кластерҳо имконият фароҳам оварда шудааст, ки дар вақти дилхоҳ барои нурӣ, тухмӣ, сӯзишворӣ ба мақсади парвариши пахта қарзҳои имтиёзнок гиранд. Ба онҳо иҷозат дода мешавад, ки навъҳои пахтаро мустақилона ҷойгир кунанд, барои селексия аз хориҷа навъҳои серҳосил оваранд.

    Ҳамчунин 30 дарсади харҷи харидани ҳамворкунакҳои лазерӣ аз ҳисоби буҷаи давлат пӯшонда мешавад. Бо мақсади ҳамгироии истеҳсолот ва илм ба ҳар як кластер ташкилотҳои илмии соҳаи пахтакорӣ ва марказҳои агросервисӣ вобаста карда мешаванд.

    Дар ҷамъомад ҷиҳатҳои амалии ин чораҳои дастгирӣ муҳокима карда шуданд.

    Дар бобати зиёд кардани ҳосили пахта, чуқур кор карда баромадани калоба ва зиёд кардани истеҳсоли маҳсулоти тайёр супоришҳо дода шуданд. Зимнан зикр гардид, ки имсол имкони содироти маҳсулоти нассоҷӣ ба минтақаҳои водӣ то ба 2,5 миллиард доллар расонида мешавад.

    Таъкид гардид, ки мутобиқи тамоюли имрӯза дар бахшҳои иқтисод кластерҳо низ бояд як қисми истеъмоли энергияи худро ба манбаъҳои алтернативӣ гузаронанд.

    No date selected
    June 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    Use cursor keys to navigate calendar dates