Ин мукофоти олиро ба сарвари кишвари мо шахсан Подшоҳи Подшоҳии Ҳошимии Урдун Абдулло II ибн ал-Ҳусейн супорид.
– Бо ифтихори бузург ин мукофотро ҳамчун эътирофи шоиста ва баҳогузории талошҳои муштараки мо барои тавсеаи ҳамкориҳои гуногунҷабҳа, инчунин ҳамчун рамзи муносибати дӯстона ва эҳтиром ба мардуми Ӯзбекистон, ки пояҳои Эҳёи Сеюмро дар кишвари мо меофарад, қабул мекунам, – таъкид намуд Президент.
Дар натиҷаи сафари таърихии Подшоҳи Урдун ба Ӯзбекистон ва музокироти самарабахш муносибатҳои байни ду кишвар ба сатҳи навини шарикӣ бароварда шуданд.
Роҳбарони ду кишвар дар бораи рушди ҳамаҷонибаи ҳамкорӣ дар соҳаҳои сиёсӣ, савдо-иқтисодӣ, сармоягузорӣ, нақлиёт ва фарҳангию гуманитарӣ ба мувофиқа расиданд.
Сарвари кишвари мо саҳми Подшоҳ Абдулло II ибн ал-Ҳусейнро дар рушди босуръати Урдун, татбиқи сиёсати хориҷии сулҳҷӯёна, болоравии нуфуз ва обрӯи кишвар дар ҷомеаи байналмилалӣ алоҳида қайд намуд.
Президент таъкид кард, ки ин мукофоти олӣ ҳамчун рамзи дӯстии қавӣ байни халқҳои Ӯзбекистону Урдун ҷойгоҳи шоистаро ишғол хоҳад кард.
Дар анҷом сарвари кишвари мо бори дигар ба Подшоҳ Абдулло II ибн ал-Ҳусейн барои ин мукофоти олӣ изҳори сипос намуда, ба мардуми Урдун сулҳ ва шукуфоӣ орзу кард.
