Дар назар аст, ки дар ин чорабинӣ Президенти Шӯрои Аврупо Чарлз Мишел ва раҳбарони кишварҳои минтақаи мо ширкат кунанд.
Тибқи рӯзномаи ҷаласа дурнамои рушди муколамаи сиёсӣ, тавсеаи ҳамкориҳои байниминтақавӣ, фаъолгардонии ҳамкориҳои тиҷоратию иқтисодӣ ва табодули фарҳангиву гуманитарӣ баррасӣ мешавад.
Бегоҳи ҳамон рӯз ташрифи Президенти Шӯрои Аврупо Чарлз Мишел ба Ҷумҳурии Ӯзбекистон дар назар аст.
28 октябр музокироти ӯзбекистониву аврупоӣ дар сатҳи олӣ баргузор мешавад. Маҷмӯи васеи масъалаҳои ҳамкориҳои дуҷониба ва ҳамкориҳои бисёрҷонибаи Ӯзбекистон ва Иттиҳоди Аврупо баррасӣ мешаванд.
Меҳмони олӣ дар вақти омадан ба мамлакати мо ба шаҳри Самарқанд низ ташриф меорад.
