Дар чорабинӣ иштироки сарони давлатҳои минтақаи мо ва Президенти Шӯрои Аврупо Шарл Мишел пешбинӣ шудааст.
Рӯзнома масъалаҳои рушди минбаъдаи муколамаи созанда ва тавсеаи ҳамкориҳои амалии кишварҳои Осиёи Марказӣ ва Иттиҳоди Аврупоро дар бар мегирад.
Ҷанбаҳои мубрами афзоиши тиҷорати мутақобила бо истифода аз низоми “GSP+”, фароҳам овардани шароити мусоид ва мусоидат ба пешбурди лоиҳаҳои сармоягузорӣ ва инноватсионӣ, ҷорӣ намудани энергияи “сабз”, кушодани иқтидори долони байналмилалии нақлиётии Транс-Каспий, шарикӣ дар соҳаи алоқаи рақамӣ, экология, туризм, маданият ва дигар соҳаҳо дар мавриди таваҷҷуҳ қарор мегирад.
Дар ҳошияи ин ҳамоиш ҳамчунин як қатор мулоқотҳои дуҷониба дар назар аст.
Бояд гуфт, ки нахустин нишасти минтақавӣ дар ин формат 27 октябри соли 2022 дар Остона баргузор шуда буд.
