Масъалаҳои кунунии тавсеаи минбаъдаи ҳамкории амалӣ бо ширкатҳои бонуфузи Арабистони Саудӣ, рафти татбиқи лоиҳаҳои муштараки сармоягузорӣ баррасӣ шуданд.
Сарвари давлатамон бо қаноатмандӣ қайд кард, ки шарикии судманд бо ширкати «ACWA Power» ба сатҳи баланд расидааст.
Нақши пешбарии ширкат дар рушди бозори энергетикии кишвар таъкид гардид. Имрӯз портфели муштараки лоиҳаҳои ҷорӣ ва пешомаднок беш аз 17 миллиардро ташкил медиҳад.
Аҳамияти идомаи корҳо оид ба ҷалби ширкатҳои нави Саудия ба кишвари мо дар доираи фаъолияти Шӯрои соҳибкорон қайд гардид.
Ба масъалаҳои тезондани татбиқи лоиҳаҳои муштарак оид ба сохтмон ва идоракунии фурудгоҳҳо, навсозии инфрасохтори рақамӣ ва энергетикӣ васеъ гардондани шабакаи таъминоти гармӣ, коркарди партовҳо, истеҳсоли маҳсулоти дорусозӣ, кушодани клиникаҳои онкологӣ, ташкили маркази сайёҳӣ, кластери бофандагӣ, рушди гармхонаҳо, чорводорӣ ва ғайра эътибори ҷудогона дода шуд.
