Масъалаҳои густариши шарикии амалӣ бо Тотористон ва пешбурди лоиҳаҳои муштараки инноватсионӣ дар бахшҳои афзалиятноки иқтисодиёт ба таври назаррас баррасӣ шуданд.
Натиҷаҳои аввалини ҳамкории ба ҳамдигар фоидабахш дар сатҳи ширкату корхонаҳои пешқадам бо қаноатмандӣ қайд карда шуданд.
Миқёси ҳамкорӣ дар доираи технопарки кимиёиву саноатии «Чирчиқ»-и вилояти Тошканд васеъ мешавад. Аз ҷумла, 16 лоиҳаи сармоягузорӣ омода ва амалӣ карда мешавад.
Дурнамои амиқсозии кооператсия ва пешбурди лоиҳаҳо дар соҳаи мошинсозӣ, истеҳсоли навъҳои нави маҳсулоти кимиёвӣ, дар соҳаи кимиёи камтоннагӣ ва коркарди нафт, истеҳсоли кишоварзӣ ва бахши технологияҳои иттилоотӣ мутобиқи “харитаи роҳ”-и қабулшуда баррасӣ шуданд.
Ба татбиқи лоиҳаҳои муштараки соҳибкорӣ дар минтақаҳои Ӯзбекистон, аз ҷумла дар вилоятҳои Ҷиззах ва Тошканд таваҷҷуҳи махсус дода шуд.
Дар бораи татбиқи барномаҳои сохаи маориф, тайёр кардан ва такмили ихтисоси кадрҳои техникӣ созиш ҳосил гардид.
