Дар оғози суҳбат Рашид Мередов ба сарвари давлатамон аз ҷониби Президенти Туркманистон Сердар Бердимуҳамедов ва Пешвои миллии халқи туркман, Раиси Халқ Маслаҳатӣ Гурбангулӣ Бердимуҳамедов саломи самимӣ ва орзуҳои нек расонд.
Масъалаҳои актуалии инкишофи минбаъдаи муносибатҳои дӯстӣ, некҳамсоягӣ ва шарикии амиқи стратегии Ўзбекистон ва Туркманистон баррасӣ шуданд.
Афзоиши муомилоти моли байниҳамдигарӣ бо қаноатмандии махсус қайд карда шуд. Минтақаи савдои “Шовот-Дашоғуз” барпо карда мешавад. Ҳамкории мутақобилан судманд дар бахшҳои кооператсияи саноатӣ, энергетика, нақлиёту логистика ва кишоварзӣ идома дорад.
Алоқаҳои байниминтақавӣ ва табодули маданию гуманитарӣ вусъат меёбад. Имсол дар Ӯзбекистон ба муносибати таҷлили 300-солагии рӯзи таваллуди шоир Мақдумқулӣ Фироғӣ як қатор чорабиниҳо гузаронда мешаванд.
Диққати махсус ба масъалаҳои ташаккули рӯзномаи нави шарикии бисёрҷанба дар доираи омодагӣ ба вохӯриҳои дарпешистода зоҳир гардид.
Инчунин оид ба масъалаҳои мубрами рӯзномаи минтақавӣ ва байналмилалӣ табодули афкор сурат гирифт.
