Президенти Ӯзбекистон ба Президенти Туркманистон табрик ирсол намуд

    Ҳукумат 7 Fevral 2023 3763

    Ба Аълоҳазрат ҷаноби Сердар Бердимуҳамедов, Президенти Туркманистон Муҳтарам Сердар Гурбангулиевич!

    Ба ман ба Шумо, Аълоҳазрат ирсол намудани табрикоти самимӣ ва орзуҳои неки худ ба муносибати санаи дар таърихи халқҳои ӯзбеку туркман муҳим ва фараҳбахш – 30-солагии барқарор шудани муносибатҳои дипломатии байни кишварҳоямон хушнудии бузург мебахшад.

    Туркманистон аз қадимулайём барои мо ҳамсояи наздик ва дӯсти хуб, шарики боэътимоди бо гузашти замон санҷидашуда буд, ки бо он моро анъанаҳои муштараки фарҳангӣ, забону расму оинҳои шабеҳ мепайвандад.

    Ба роҳи тайкардаи ду давлат дар солҳои истиқлолият назар афканда, бояд гуфт, ки дар тӯли 30 сол мо тавонистем заминаи мустаҳками сиёсиву дипломатӣ ва ҳуқуқиро барои ҳамкориҳои мутақобилан судманди кишварҳоямон ба вуҷуд орем.

    Муносибатҳои шарикии стратегӣ, ки ба эҳтиром ва дастгирии мутақобила асос ёфтаанд, ба шарофати иродаи ягонаи сиёсии мо солҳои охир ба зинаи сифатан нав баромада, бо мазмуни амалӣ ганӣ гардиданд. Робитаҳои сатҳи баланди сиёсӣ, алоқаҳои байнипарлумонӣ ва байниминтақавӣ пурқувват шуданд.

    Дар чаҳорчӯби комиссияҳои байниҳукуматӣ оид ба ҳамкориҳои тиҷоратию иқтисодӣ, илмию техникӣ ва фарҳангию гуманитарӣ, инчунин комиссияи идоракунии об мо дар тамоми самтҳои ҳамкориҳои дуҷониба саъю кӯшиш дорем.

    Зимни мулоқотҳои дӯстона ва пурсамари мо бо Шумо дар Тошканд, Самарқанд ва Ашқобод дар соли 2022 мо ҳавасмандии худро ба рушди пайвастаи муносибатҳои бисёрҷониба ва дарозмуддати ҳамкорӣ тасдиқ намудем.

    Ҳамзамон, мехоҳам қайд намоям, ки Ӯзбекистон ва Туркманистон дорои потенсиали бузурге мебошанд, ки то ҳол ба манфиати халқҳои мо истифода нашудаанд ва мо омодаем, ки савдои мутақобиларо ба таври қобили мулоҳиза афзун намуда, номгӯи маҳсулотро васеъ намоем, кооператсияи саноатиро боз ҳам таҳким бахшем.

    Муҳтарам Сердар Гурбангулиевич!

    Итминон дорам, ки муносибатҳои шарикии стратегӣ, ки миёни давлатҳои мо барқарор шудаанд, сазовори намунаи ибрати дигарон бошанд, минбаъд низ ба хотири умумият ва саодати кишварҳои бародарамон бомуваффақият инкишоф меёбанд.

    Бо истифода аз фурсат ба Шумо саломатии бардавом, хушбахтии оилавӣ, дар фаъолияти масъулиятнокатон комёбиҳои калон ва ба мардуми Туркманистони бародар сулҳ, пешравии доимӣ ва шукуфоии минбаъда таманно дорам.

    Бо эҳтиром,

    Шавкат Мирзиёев,

    Президенти Ҷумҳурии Ӯзбекистон

    No date selected
    May 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates