Масъалаҳои тавсеаи ҳамкориҳои мутақобилан судманд бо ширкатҳои венгерӣ ва пешбурди лоиҳаҳои муштараки ҳамкорӣ тибқи созишномаҳои вохӯриҳои мунтазами сатҳи олӣ баррасӣ шуданд.
Сарвари давлатамон Шандор Чаниро ба муносибати бомуваффақият ба анҷом расидани созиш оиди ба даст овардани саҳмияҳои давлатии «Ипотека бонк» ва ворид шудани муассисаи пешбари бонку молияи Аврупо ба бозори Ӯзбекистон самимона табрик гуфт.
Ба масъалаҳои ҷалби сармояи мустақими Венгрия ва дигар кишварҳои Иттиҳоди Аврупо ба татбиқи лоиҳаҳои сармоягузорӣ дар соҳаҳои гуногуни иқтисодиёти Ӯзбекистон, аз ҷумла саноат, кишоварзӣ, боғдорӣ ва паррандапарварӣ, истеҳсоли хӯрокворӣ ва нассоҷӣ, дорусозӣ ва ғайра таваҷҷуҳи хоса зоҳир карда шуд.
Илова бар ин, аҳамияти ҳамкории зич дар соҳаи таҳсилоти олӣ ва омодасозии кадрҳои касбӣ, инчунин баланд бардоштани сифати хизматрасониҳои бонкӣ ба аҳолӣ қайд карда шуд.
Дар бораи қабули “харитаи роҳ” бо тадбирҳои афзалиятноки дастгирӣ ва пешбурди лоиҳаҳои муштарак ва барномаҳои ҳамкорӣ мувофиқа ҳосил шуд.
Дар анҷоми вохӯрӣ дар ҳузури роҳбари кишварамон маросими баимзорасонии Созишнома дар бораи аз ҷониби бонки "OTP" ба даст овардани саҳмияҳои давлатии «Ипотека-бонк» баргузор гардид.
