Қайд кардан ҷоиз аст, ки лоиҳаи неругоҳи барқии ҳароратӣ дар Сирдарё бо иқтидори 1,1 миллиард доллар эҳтиёҷоти бештар аз 3 миллион хоҷагӣ ва садҳо корхонаи саноатиро ба қувваи электр қонеъ хоҳад кард.
Ғайр аз ин дар вилоят бори аввал корхонаи нодири истеҳсоли «водороди сабз» барпо карда мешавад. Дар доираи ин лоиҳаи «пилотӣ» дар кишвари мо дар марҳилаи аввал 3 ҳазор тонна водород бо коркарди минбаъда ба нуриҳои минералӣ истеҳсол карда шуда, неругоҳи шамол бо иқтидори 52 мегаватт бунёд мегардад.
Умуман бо иштироки ширкати "ACWA Power" дар Ӯзбекистон лоиҳаҳои бузурги энергетикӣ ба маблағи 7,5 миллиард доллар бомуваффақият амалӣ мешаванд.
Роҳандозии ин лоиҳаҳо то соли 2030 ба бунёди иқтидори 25 гигаватт манбаи барқароршавандаи энергия мусоидат мекунад, ки 4,5 миллиард метри мукааб газро сарфа намуда, ҳаҷми партовҳои зарароварро ба атмосфераро то 3 миллион тонна коҳиш медиҳад.
