Раҳбари кишвари мо бо таърихи таъсис ва хусусиятҳои меъмории обанбори «Медеу» шинос шуд. Ин обанбор дар баландии 1750 метр аз сатҳи баҳр барои муҳофизат аз лағзиши сел сохта шудааст.
Ба қуллаи обанбори «Медеу» «Зинапояи саломатӣ» мебарад, ки аз 842 зина иборат аст. Дар соли 2011, дар паҳлӯи обанбор роҳи канатие сохта шуд, ки 4,5 километр дарозӣ дошта, то истироҳатгоҳи лижаронии «Шимбулоқ» мерасад.
Маҷмааи варзишии «Медеу» соли 1972 сохта шуда, дар баландии 1700 метр аз сатҳи баҳр ҷойгир аст. Масоҳати майдони яхини маҷмаа 10,5 ҳазор м²-ро ташкил дода, то 3 ҳазор нафарро фаро мегирад. Ҳар сол онро зиёда аз 400 ҳазор сокинон ва меҳмонони шаҳри Алмато боздид мекунанд.
Дар айни замон, маҷмаа ҳамчун кластери варзишӣ, сайёҳӣ ва фарҳангӣ фаъолият мекунад. Дар ин ҷо мунтазам мусобиқаҳои варзишӣ, яхмолакбозии оммавӣ, чорабиниҳои фарҳангӣ ва фестивалҳо баргузор мешаванд.
Дар соли 2011, дар ин маҷмаа мусобиқаҳои VII Бозиҳои зимистонаи Осиё ва дар соли 2017 – мусобиқаҳои Универсиадаи ҷаҳонӣ доир гардиданд.
Президенти Ӯзбекистон ва Қазоқистон якҷоя намоиши махсуси варзишгарони ҷавони яхмолакбозро тамошо карданд.
