Сарони ду кишвар масъалаҳои мубрами рӯзномаи дуҷониба ва ҳамкориҳои минтақавӣ дар Осиёи Марказиро муфассал баррасӣ карданд.
Ба идомаи ҳамкории зич ва ҳамоҳангсозии самарабахши талошҳо ҷиҳати ба ҳадди ақал расонидани оқибатҳои манфии бӯҳрон дар иқтисоди ҷаҳонӣ таваҷҷуҳи махсус зоҳир гардид.
Муҳимияти фароҳам овардани шароити мусоид барои таъмини динамикаи рушди тиҷорати дуҷониба, суръат бахшидан ба татбиқи лоиҳаҳои бузурги ҳамкорӣ дар саноат, энергетика, кишоварзӣ, саноати хӯрокворӣ ва нассоҷӣ, нақлиёт ва логистика, инчунин фаъолона баргузории чорабиниҳои муштарак дар доираи барномаи табодули фарҳангиву гуманитарӣ таъкид шуд.
Дар фарҷоми сӯҳбати телефонӣ сарони давлатҳо ба муносибати фарорасии ҷашни баҳор – Наврӯз табрикоти самимӣ гуфта, ба ду халқи бародар сулҳ, осоиш ва шукуфоӣ орзу намуданд.
Суҳбат дар вазъияти анъанавии ошкоро ва дӯстона гузашт.