Масъалаҳои муҳими рушди минбаъда ва таҳкими муносибатҳои ҳамкории шарикии стратегӣ ва иттифоқии густурдаи байни Ӯзбекистон ва Русияро муҳокима карданд. Ба татбиқи созишномаҳои дар сатҳи олӣ, пеш аз ҳама, дар соҳаи тиҷорату иқтисодӣ ҳосилшуда диққати махсус дода шуд.
Аҳамияти идомаи корҳои ҳамоҳангшуда ва ҳамкориҳои амалии байниидоравӣ ҷиҳати афзоиши нишондиҳандаҳои гардиши мол, пешбурди лоиҳаҳои кооператсияи саноатӣ дар бахшҳои афзалиятноки иқтисодиёт, тавсеаи робитаҳои истеҳсолӣ дар сатҳи минтақавӣ, табодули фаъоли фарҳангӣ, гуманитарӣ ва таълимӣ қайд карда шуд.
Дар ин замина зарурати омодагии ҳамаҷониба ба ҷамъомади дуюми Шӯрои минтақаҳои Ӯзбекистону Русия ва таъмини самарабахшии он, ки дар тирамоҳи соли ҷорӣ ба нақша гирифта шудааст, таъкид гардид.
Роҳбарони давлатҳо ҳамчунин доир ба рӯзномаи байналмилалӣ табодули афкор намуда, нақшаи чорабиниҳои ояндаро баррасӣ карданд.
