Дар оғози суҳбат пешвои Русия роҳбари давлатамон ва халқи бисёрмиллати Ӯзбекистонро бо Рӯзи истиқлол самимона табрик намуда, фаровонӣ, рушди устувор ва шукуфоиро таманно кард.
Бо назардошти татбиқи созишҳое, ки дар доираи мулоқотҳои сатҳи олии чанде пеш баргузоршуда ба даст омадаанд, масъалаҳои таҳким ва тақвияти минбаъдаи муносибатҳои шарикии стратегӣ ва иттифоқии бисёрҷанбаи Ӯзбекистон ва Русия мавриди баррасӣ қарор гирифтанд.
Зарурати қабули чорабиниҳои ҳамоҳангшуда, ки ба нигоҳ доштани суръати ҳамкории тиҷоратӣ-иқтисодӣ ва сармоягузорӣ нигаронида шудаанд, таъкид гардид.
Ба омода намудани лоиҳаҳо дар шабакаҳои афзалиятноки иқтисодиёт ва суръат бахшидан ба татбиқи онҳо, инчунин ташвиқи робитаҳои кооперативӣ байни минтақаҳо ва паркҳои муштараки саноатӣ диққати махсус дода шуд.
Ҳамкориҳои самарабахш дар соҳаи гуманитарӣ, пеш аз ҳама, дар самтҳои фарҳанг, санъат, илм ва таълим бо қаноатмандӣ қайд гардид.
Сарони Ӯзбекистон ва Русия доир ба масъалаҳои дорои аҳамияти байналмилалӣ низ мубодилаи афкор намуданд.
