Дар оғози сӯҳбат сарвари давлати мо раҳбари Русияро бо зодрӯзаш самимона табрик гуфта, аз таҳти дил ба ӯ саломатии бардавом, шукуфоӣ ва муваффақиятҳои бузург, халқи дӯсти Русия сулҳ ва шукуфоии минбаъда таманно кард.
Нақши таърихии Президент Владимир Путин дар ташаккули Русияи замонавӣ ва саҳми шахсии ӯ дар таҳкими муносибатҳои шарикии стратегӣ ва иттифоқии Ӯзбекистону Русия қайд гардид.
Масъалаҳои густариши минбаъдаи ҳамкориҳои гуногунҷанбаи байни кишварҳои мо баррасӣ шуданд.
Рушди босуръати ҳамкорӣ дар ҳама соҳаҳо бо қаноатмандӣ қайд карда шуд. Ҳаҷми тиҷорати мутақобила ва миқёси кооператсияи саноатӣ, аз ҷумла лоиҳаҳои нав бо иштироки корхонаҳо ва бонкҳои пешбари Ӯзбекистон ва Русия мунтазам меафзояд. Истеҳсоли муштараки ваксинаи "Спутник V" ба роҳ монда шуд.
Табодули фаъоли фарҳангӣ ва башардӯстона идома дорад: ҳафтаи гузашта дар доираи ҷашнвораи эҳёшудаи кинои Тошканд Рӯзҳои синамои Русия бомуваффақият баргузор шуданд.
Дар мамлакати мо аввалин филиали хориҷии Институти давлатии умумирусиягии кинематография кушода шуд. Илова бар ин, дар ин рӯзҳо дар Тошканд намоишгоҳи таълимии Русия баргузор шуд.
Президентҳо масъалаҳои омодагӣ ба сафари давлатии дарпешистодаи сатҳи олӣ ба Федератсияи Русияро, ки моҳи оянда баргузор мешавад, баррасӣ карданд.
Онҳо инчунин оид ба масъалаҳои мубрами сиёсати байналмилалӣ ва ҳамкории минтақавӣ, аз ҷумла дар заминаи рушди вазъ дар Афғонистон табодули афкор намуданд.
Сӯҳбати телефонии роҳбарони кишварҳо дар фазои анъанавии гарму самимӣ ва дӯстона сурат гирифт.
