Президенти Туркманистон ба роҳбари давлати мо саломи самимии Роҳбари миллии мардуми туркман, Раиси Халқ Маслаҳатӣ Гурбангулӣ Бердимуҳамедовро расонд.
Дар мулоқот масъалаҳои рушди минбаъда ва таҳкими муносибатҳои дӯстона, ҳамсоягии нек ва шарикии стратегӣ байни Ӯзбекистон ва Туркманистон баррасӣ шуданд.
Бо қаноатмандии амиқ қайд гардид, ки ҳаҷми савдои мутақобила босубот афзоиш ёфта, соли гузашта аз 1,1 миллиард доллар гузашт.
Лоиҳаҳои ҳамкорӣ дар соҳаҳои саноат, энергетика, нақлиёт, кишоварзӣ ва хоҷагии об бомуваффақият амалӣ мешаванд. Минтақаи савдои марзии «Шавот – Дашоғуз» якҷоя таъсис меёбад. Дар доираи робитаҳои фаъоли байниминтақавӣ ва мубодилаҳои фарҳангиву гуманитарӣ чорабиниҳо баргузор мегарданд.
Ба омодагии мулоқотҳои дуҷониба ва чорабиниҳои бисёрҷонибаи сатҳи олӣ, инчунин пешбурди лоиҳаҳои муштараки ҳамкории гуногунҷанба таваҷҷуҳи хос дода шуд.
