Сарвазири Венгрия роҳбари кишвари моро бо пирӯзии боварибахшаш дар интихоботи пеш аз мӯҳлати президентӣ самимона табрик намуда, ба халқи Ӯзбекистон сулҳу оромӣ, некуҳолӣ ва шукуфоӣ орзу намуд.
Рушди босуръати ҳамкориҳои бисёрҷанбаи Ӯзбекистону Венгрия бо қаноатмандӣ қайд карда шуд. Машваратҳои доимии сиёсӣ барпо карда шудаанд. Моҳи марти соли равон дар шаҳри Будапешт сафорати Ӯзбекистон ифтитоҳ ёфт.
Ҳаҷми муомилоти моли байниҳамдигарӣ меафзояд. Бонки пешбари Аврупо “OTP” ба бозори бонкӣ ва молиявӣ ворид шуд.
Дар соҳаи кишоварзӣ, саноати хӯрокворӣ, дорусозӣ ва дигар соҳаҳои афзалиятнок лоиҳаҳои муштарак таҳия карда мешаванд. Сандуқи умумии сармоягузорӣ 1,5 миллиард долларро ташкил медиҳад.
Зимни суҳбати телефонӣ ба аҳамияти таҳияи чораҳои мушаххас дар доираи фаъолияти Комиссияи байниҳукуматӣ ҷиҳати суръат бахшидан ба татбиқи лоиҳаҳои ҳамкорӣ, инчунин густариши табодули гуманитарӣ ва таълимӣ таваҷҷуҳи махсус зоҳир гардид.
