Мақоми нозири кишвар дар ИИАО ба мо имкон дод, ки ба сатҳи сифатан нави муколама ва ҳамкориҳои амалӣ бирасем, равандҳои тезу тундро, ки дар доираи иттиҳодия рух медиҳанд, амиқ ва беҳтар дарк намоем.

Ҳамин тариқ, тибқи нақшаи чорабиниҳои муштараки Ҳукумати Ҷумҳурии Ӯзбекистон ва Комиссияи иқтисодии Авруосиё барои солҳои 2021-2023, Департаменти энергетикаи Комиссияи иқтисодии АвруОсиё Тақдимоти дурнамои фаъолияти бозори умумии энергетикии Иттиҳоди иқтисодии АвруОсиёро барои намояндагони Вазорати энергетикаи Ҷумҳурии Ӯзбекистон баргузор намуд.

Дар ҷараёни муаррифӣ ҷонибҳо оиди оқибатҳои эҳтимолии воридшавии Ҷумҳурии Ӯзбекистон ба бозори умумии энергетикии ЕОИИ табодули афкор намуданд.

Ҳамчунин дар мавриди идомаи корҳо ҷиҳати амиқтар кардани равандҳои ҳамгироӣ ва кам кардани оқибатҳои манфии ҳамроҳшавӣ ба бозори боло тавофуқ ҳосил шуд.

Ёдовар мешавем, ки Иттиҳоди иқтисодии АвруОсиё (ИИАО) -- ташкилоти байналмилалии ҳамгироии иқтисодии минтақавӣ бо субъекти ҳуқуқии байналмилалӣ буда, бо Шартномаи Иттиҳоди иқтисодии АвруОсиё аз 29 майи соли 2014 таъсис ёфтааст.

Дар айни ҳол, ба таркиби ИИАО панҷ кишвар: Ҷумҳурии Арманистон, Ҷумҳурии Белорус, Ҷумҳурии Қазоқистон, Ҷумҳурии Қирғизистон ва Федератсияи Русия шомил мебошанд, хабар медиҳад Вазорати энергетикаи Ҷумҳурии Ўзбекистон.