Дар Исроил сиренаҳои ҳушдордиҳанда, ки аз ҳамлаҳои мушакӣ ё ворид шудани бесарнишинҳо огоҳ мекунанд, дар чаҳор соати охир садо надоданд. Аз Лубнон низ дар бораи ҳамлаҳои нав аз ҷониби Артиши дифои Исроил (ЦАХАЛ) хабаре ворид нашудааст.
Шоми сешанбе кабинети низомӣ-сиёсии Исроил қарордоди оташбас бо Лубнонро бо аксари раъйҳо тасдиқ кард. Пеш аз ин тасдиқ, сарвазири Исроил Бинямин Нетаняҳу дар паёме ба миллат зарурати оташбасро дар фронти шимолӣ шарҳ дода, таъкид кард, ки дар сурати ҳар гуна вайрон кардани оташбас аз ҷониби гурӯҳи "Ҳизбуллоҳ"-и Лубнон, Исроил ҷавоб хоҳад дод ва амалиётҳои ҷангиро аз сар хоҳад гирифт.
