Дар оғози муколама ҷонибҳо қайд карданд, ки равобити ошкоро ва боэътимоди раҳбарони ду кишвар заминаи устувори рушди ҳамкориҳои кишварҳо мебошад.
Дар мулоқот ба ҳамкории мутақобилаи парлумонҳо ҷиҳати таъмини иҷрои созишномаҳои сатҳи баланди дуҷониба, аз ҷумла дастгирии ҳуқуқии лоиҳаҳои муштарак дар соҳаҳои тиҷорату иқтисод, нақлиёт, коммуникатсия, фарҳангию гуманитарӣ ва ғайра таваҷҷуҳи хоса зоҳир гардид.
Ҷонибҳо ба таҳкими минбаъдаи муносибатҳо ва дастгирии ҳамдигар дар чаҳорчӯби созмонҳои байналмилалӣ ва сохторҳои байнипарлумонӣ ҳавасмандӣ зоҳир намуданд.
Соҳиба Ғафарова ҳамчунин таъкид кард, ки Анҷумани занони осиёӣ, ки бори аввал бо ибтикори Ӯзбекистон баргузор мешавад, ба минбари муҳими тавсеаи ҳуқуқу имкониятҳои иқтисодӣ, иҷтимоӣ ва сиёсии занон табдил хоҳад ёфт ва ба кори ҳамоиш муваффақият таманно намуд.
Дар паи мулоқот ҷонибҳо ба мувофиқа расиданд, ки ҳамкориҳои занони соҳибкори ду кишварро боз ҳам фаъолтар гардонанд ва муколамаи вакилони ҷавонро фаъол созанд.
