Дар ноҳия беш аз 218 ҳазор нафар зиндагӣ мекунанд. Муддати тӯлонӣ дар ин ҷо  ба соҳаи сохтмон таваҷҷӯҳи зарурӣ зоҳир карда нашуд, ки аз сабаби ин эҳтиёҷот ба манзилҳои нав баланд шуд. Солҳои охир дар ноҳия корҳои зиёди созандагӣ ба вуқӯъ пайвастанд.

Аз ҷумла, соли гузашта дар маҳаллаи Гулистони ноҳия 7 ва имсол 61 бинои бисёрошёна сохта шудааст.

Сарвари давлат бо корҳои анҷом додашуда шинос шуд.

Ҳама иншооти зарурии иҷтимоӣ дар маҳалла қулай ҷойгир шудаанд. Ҷамоати шаҳрвандон, маркази коворкинг барои ҷавонон, маҷмӯи савдо ва хизматрасонии маишӣ дар наздикии якдигар ҷойгиранд. Мактаб барои 420 ҷой, боғчаи бачагона барои 150 ҷой, поликлиника, хонаи маданият ва маҷмӯи варзишӣ сохта шудааст. Дар назди биноҳои бисёрошёна майдончаҳои бозии бачагона ҷиҳозонида шудаанд.

Умуман, ноҳия бо инфрасохтори замонавӣ таъмин карда шудааст. Роҳҳои дохилӣ асфалтпӯш карда шуда, ҳудуди назди он обод карда мешавад.

Сокинони маҳалла асосан бо соҳибкорӣ, паррандапарварӣ ва кишоварзӣ машғуланд. Ба ин минтақаи хурди саноатӣ, зиёда аз сад гектар гармхонаҳои назди маҳалла мусоидат мекунад. Дар натиҷаи хона ба хона омӯхта шудани мушкилот 205 нафар бекорон дар як минтақаи хурди саноатӣ, садҳо ҷавонон -- дар маҷмӯи гармхонаҳо ба кор ҷалб карда шуданд.

Президент бо фаъолони маҳалла, намояндагони насли калонсол сӯҳбат кард.

- Дидани рушди ҳудудҳо, бо манзил, кор таъмин гардидани мардум маро шод мегардонад. Дар байни мардуми мо мақоле ҳаст: ки то мусофир нашавӣ мусалмон шуда наметавонӣ. Ман худам солҳои тӯлонӣ дур аз хона кору зиндагӣ мекардам, тамоми мушкили надоштани хонаи худамро ҳис мекардам. Ман одамонеро, ки бо чунин мушкилот дучор мешаванд, хуб мефаҳмам, ҳалли онҳо маро ором намегузорад. Аз ин рӯ, мо дар ҳама ҷо хона месозем ва тамоми кӯшишро ба харҷ медиҳем, то ҳар як оила дар кишвари мо соҳиби хона гардад. Манфиати шаҳрвандон бароям аз ҳама волотар аст, - гуфт Шавкат Мирзиёев.

Сарвари давлат аз хонаи Абдукаҳхорота ва Ойзодаая, ки ба яке аз квартираҳои нави маҳалла кӯчиданд, дидан кард. Онҳо чор фарзандро тарбия карданд.

Сӯҳбати самимӣ дар бораи тарбияи ҷавонон, имкониятҳои имрӯзаи барои таҳсилгирӣ ва шуғл варзидан бо соҳибкорӣ, арзишҳои сулҳу оромӣ сурат гирифт.

Қайд карда шуд, ки дар мисоли маҳаллаи Гулистон сохтани шаҳракҳои "моҳвораӣ" бо 4-5 ҳазор квартира дар ноҳияҳои Ёзёвон, Олтиариқ ва Фарғона ба мақсад мувофиқ аст.