Ин маҳалла дар наздикии фурудгоҳи байналмилалӣ, дар соҳили дарёи Зарафшон ҷойгир шудааст. Дар ин ҷо дар идомаи корҳои созандагӣ, ки солҳои охир дар Самарқанд амалӣ мешаванд, бунёди мавзеи замонавӣ ба нақша гирифта шудааст. Барои ин 389 гектар замин ҷудо шудааст.
Мувофиқи лоиҳа дар ҳудуди мавзеъ биноҳои серӯтоқаи истиқоматӣ, мактабу боғчаҳои бачагона, поликлиника, иншоотҳои варзишию фароғатӣ сохта мешаванд. Маҷмӯъҳои калони тиҷоратӣ ва савдо ба рушди иқтисодиёт ва афзоиши шумораи ҷойҳои корӣ такони иловагӣ хоҳанд бахшид. Барои пайвастани шаҳр бо мавзеъҳои нав, кӯпрукҳо ва роҳҳо, инфрасохтори зарурӣ ва шабакаҳои коммуникатсионӣ сохта мешаванд.
Сарвари давлат оид ба такмил додани лоиҳа дар асоси таҷрибаи шаҳрсозӣ, васеъ намудани миқёси хидматрасонии иҷтимоӣ супоришот дод.
