Тавре қаблан хабар дода будем, дар ҷараёни музокироти сатҳи олӣ баррасии масъалаҳои мубрами таҳкими минбаъдаи муносибатҳои дӯстӣ, ҳамсоягии нек ва шарикии стратегии Ӯзбекистон ва Тоҷикистон ба нақша гирифта шудааст. Аз ҷумла, ҷанбаҳои рушди ҳамкориҳои дуҷонибаи сиёсӣ, тиҷоративу иқтисодӣ, сармоягузорӣ, нақлиётию коммуникатсионӣ ва фарҳангию гуманитарӣ баррасӣ мешаванд.

Ба муайян кардани «нуқтаҳои рушд»-и ҳамкории гуногунҷанба ва пешбурди лоиҳаҳои мушаххас оид ба рушди ҳамкориҳои амалӣ барои пешомади дарозмуддат таваҷҷӯҳи махсус дода мешавад.

Роҳбарон инчунин доир ба ҷанбаҳои рӯзномаи сиёсати байналмилалӣ ва минтақавӣ мубодилаи афкор хоҳанд кард.

Пас аз анҷоми гуфтушунидҳо ба имзо расонидани Изҳороти муштараки сарони давлатҳо, созишномаҳо дар бораи созмон додани ширкати сармоягузории Ӯзбекистону Тоҷикистон, дар бораи ҳамкорӣ дар соҳаи саноат ва технологияҳои нав, "Харитаи роҳ" оид ба рушди минбаъдаи ҳамкорӣ дар соҳаи кишоварзӣ ва дигар ба нақша гирифта шудааст.

Дар маҷмӯъ, қабули зиёда аз 30 санад дар назар аст, ки амалан тамоми соҳаҳои ҳамкориҳои дуҷонибаро дарбар мегиранд.

Ғайр аз он, дар доираи сафар ба имзо расондани шартномаҳои тиҷоратӣ ва созишномаҳои ҳамкорӣ дар соҳаҳои гуногуни иқтисодиёт ба маблағи тақрибан 1 миллиард доллар пешбинӣ шудааст.

Барномаи сафар, инчунин иштирок дар чорабиниҳои муштараки фарҳангӣ дар пойтахти Тоҷикистон, баргузории мулоқотҳо бо намояндагони ҷомеа, боздид аз як қатор иншооти саноатии вилояти Суғдро пешбинӣ мекунад.