Маҷмӯъ, ки ба маблағи беш аз 15 миллиард сӯм сохта шудааст, имкон дорад ба 4,5 ҳазор нафар ҷавонон технологияҳои иттилоотиро омӯзонад ва хидматҳои IT расонад. Дар ин ҷо ҷавонон касбҳои замонавиро аз худ карда, дар ҳаёт мавқеи худро пайдо карда метавонанд. Дар худи технопарк 250 нафар ҷавонписарону духтарон кор мекунанд.
Ба Президент дар бораи корҳое, ки дар ин ҷо анҷом дода мешаванд ва нақшаҳои оянда маълумот дода шуд.
Барои гузарондани маҳфилҳои омӯзишӣ ва пешниҳоди хидматҳои IT бинобар фармоиш аз хориҷ тамоми шароит фароҳам оварда шудааст. Соли ҷорӣ ба нақша гирифта шудааст, ки ҳаҷми содирот то 3 миллион доллар расонда шавад.
Дар ин ҷо бо резидентҳои IT-парк ва мутахассисони ҷавоне, ки дар ин соҳа кор мекунанд, суҳбат сурат гирифт. Онҳо дар бораи фаъолияти худ нақл карданд.
Сарвари давлатамон андешаҳои ҷавононро шунида, ба шахсони масъул оид ба дастгирӣ намудани пешниҳодҳои садодода супоришот дод.
