Зикр гардид, ки музокиротҳои соли гузашта бо Президент Доналд Трамп ба густариши ҳамкориҳои тиҷоратию сармоягузорӣ бо соҳибкорони амрикоӣ такони қавӣ бахшиданд.
Ба масъалаҳои дастгирии фаъолияти Шӯрои тиҷоратӣ ва роҳандозии Платформаи сармоягузорӣ барои пешбурди низомманди лоиҳаҳои афзалиятнок таваҷҷуҳи махсус зоҳир карда шуд.
Самтҳои ҳамкорӣ бо Эксимбанк муайян гардиданд. Тавассути ин ҳамкорӣ густариши маблағгузории лоиҳаҳои бузурги саноатӣ ва инфрасохторӣ, инчунин дастгирии таъмин бо таҷҳизоти баландтехнологӣ дар назар аст.
Дар суҳбат бо роҳбарияти DFC ба аҳамияти таҳкими механизмҳои ҳамкориҳои сармоягузорӣ ишора шуд. Нақшаҳои корпоратсия оид ба иштироки фаъол дар лоиҳаҳои муҳими миллӣ ва минтақавӣ, инчунин рушди бозори молиявӣ ва энергетика ҷонибдорӣ гардиданд.
Президенти Ӯзбекистон ҷониби Амрикоро ба иштирок дар Форуми байналмилалии сармоягузории Тошканд даъват намуд.
Дар анҷоми вохӯрӣ, дар ҳузури сарвари давлат, табодули Созишномаи оид ба таъсиси платформаи сармоягузорӣ миёни Ӯзбекистон ва ИМА имзошуда, ки дар доираи ин сафар ба амал омада буд, баргузор шуд.
