Масъалаҳои кунунии тавсеаи минбаъдаи ҳамкориҳои серсоҳаи Ӯзбекистон ва Арабистони Саудӣ ва шарикии ҳамаҷониба, аз ҷумла татбиқи бечунучарои амалии созишномаҳо дар сатҳи олӣ баррасӣ шуданд.
Дар аввали мулоқот вазири сармоягузорӣ ба роҳбари Ӯзбекистон саломи самимӣ ва орзуҳои беҳтарини подшоҳи Арабистони Саудӣ Салмон бин Абдулазиз Ол Сауд ва Валиаҳд, Сарвазир Муҳаммад бин Салмон Ол Саудро расонд.
Сарвари давлатамон рушди босуръати ҳамкориҳои мутақобилан судмандро дар солҳои охир бо қаноатмандии бузург қайд намуд.
Нишондиҳандаҳои савдои мутақобила ва ҳаҷми сармоягузории мустақими Арабистони Саудӣ ба иқтисодиёти Ӯзбекистон, пеш аз ҳама ба соҳаи энергетикаи “сабз” афзоиш ёфта, басомади парвозҳои мустақим афзоиш меёбад.
Бо дастгирии Фонди рушди Арабистони Саудӣ дар соҳаҳои тандурустӣ, маориф, обтаъминкунӣ ва дигар соҳаҳо як қатор лоиҳаҳои аҳамияти иҷтимоӣ амалӣ мегарданд.
Фонди муштараки густариши имкониятҳои иқтисодии Ўзбекистон ташкил карда мешавад.
Дар доираи сафари кунунии ҳайати Арабистони Саудӣ созишномаҳо оид ба татбиқи лоиҳаҳои мутақобилан судманд дар соҳаҳои кимиё, энергетика, кишоварзӣ, дорусозӣ, IT ва рушди инфрасохторро ба маблағи 12 миллиард доллар ба имзо расонд.
Аҳамияти тезонидани иҷрои лоиҳаҳои азими энергетикӣ дар минтақаҳои гуногуни мамлакатамон қайд карда шуд.
Инчунин, оид ба пешбурди лоиҳаҳои нав ва барномаҳо ба маблағи умумии 11 миллиард доллар дар соҳаи инфрасохтори нақлиётӣ ва хоҷагии коммуналӣ, геология, ирригатсия, аз нав кор карда баромадани партовҳои рӯзгор, таълими олӣ, муҳоҷирати меҳнатӣ тавофуқ ҳоси шуд.
Ҳамкории пурсамар бо ширкати "ACWA Power", ки бузургтарин сармоягузор ва шарики стратегӣ дар рушди энергетикаи сабз дар Ӯзбекистон аст, махсусан таъкид гардид. Айни замон ширкат ба маблағи 7,5 миллиард доллар лоиҳаҳоро амалӣ карда истодааст.
Президенти кишварамон ба кор андохта шудани неругоҳи барқии ҳароратии хозиразамонро бо иқтидори 1,5 гигаватт дар вилояти Сирдарё ва оғози сохтмони истеҳсоли пилотии "водороди сабз"-ро дар вилояти Тошканд маъқул донист.
Ҳамчунин маросими супурдани ордени “Дӯстӣ” ба вазир Холид ал-Фолиҳ барои саҳми бузург ва дастгирии ҳамаҷонибааш дар рушди муносибатҳои гуногунҷанба ва мутақобилан судманд байни Ӯзбекистон ва Арабистони Саъудӣ баргузор гардид.
