Дар ин бора дар қарори Ҳукумат «Дар бораи чораҳои ҷалби ҷавонон ба соҳаи IT, тавассути баланд бардоштани дониш ва малакаҳои рақамӣ ба касбҳои сердаромад равона кардани онҳо» (таҳти рақами 849 аз 31.12.2025) оварда шудааст.
Тибқи қарор, ҳар сол дар доираи ин лоиҳа озмуни миллӣ барои мукофотонидани иштирокдороне, ки ба натиҷаҳои баландтарин ноил шудаанд, баргузор мешавад.
Ғолибони озмун бо мукофотҳои пулӣ ва туҳфаҳои қиматбаҳо сарфароз мегарданд, аз ҷумла:
– 100 нафар омӯзгор — бо мукофоти пулӣ ба маблағи баробари 1 000 доллари ИМА;
– 10 нафар омӯзгор — бо роҳхат барои саёҳати хориҷӣ;
– 500 нафар ҷавонон — бо ноутбук;
– 500 нафар ҷавонон — бо туҳфаҳои қиматбаҳо;
– мукофоти пулии 3 муассисаи таҳсилоти олӣ;
– 2 мактаби таълими умумӣ бо «Туҳфаи Президент» – электромобил мукофотонида мешаванд.
Инчунин, дар доираи лоиҳаи «Ворисони Муҳаммад ал-Хоразмӣ» барои ҷавонон имкониятҳои зерин фароҳам мегарданд:
таҳсили ройгон дар касбҳои муосири соҳаи рақамисозӣ, аз ҷумла мудири лоиҳаҳои IT, мудири лоиҳаҳои стартап ва омӯзиши забонҳои хориҷӣ;
таҳсили ройгон дар курсҳои таълимӣ барои гирифтани сертификатҳои байналмилалии IT дар сатҳи касбӣ.
