Муассиса солҳои 60-70-уми асри гузашта сохта шудааст. Беморхона барои 228 бемор пешбинӣ шудааст, дармонгоҳ метавонад 250 нафарро қабул кунад. Ҳоло онҳо ба 243 ҳазор нафар сокинони ноҳия хизмат мерасонанд. Аммо шароити маҳал ба чунин фарогирӣ ва талаботи замон мувофиқ нест. Баъзе таҷҳизот ба навсозӣ ниёз доранд.
Президент ба шуъбаи тиббӣ ва палатаҳо рафта, вазъи воқеиро аз назар гузаронд ва бо беморон суҳбат кард.
— Мақсад аз сафари имрӯзаи мо беҳтар намудани зиндагонии 3,5 миллион нафар сокинони Кашкадарё, тезондани тараққиёти саноат, хоҷагии қишлоқ, сохаи иҷтимоӣ мебошад. Раҳораҳ, ман қарор додам, ки чӣ гуна будани вазъияти беморхонаро донам. Пас аз дидани вазъ, суҳбат кардан бо мардуми оддӣ қабул кардани қарор бузургтарин ҳадафи ман аст. Вақте ки тиб ва маориф дар сатҳи зарурӣ қарор доранд, мардум хушбахт мешаванд. Мо дар бисёр ҷойҳо беморхонаҳоро беҳтар кардем. Аммо вазъияти вилояти Қаршӣ ба ман маъқул нест. Аз рӯи он чизе ки ман имрӯз дидам, қарор карда шуд, ки дар ин ҷо беморхонаи нав бунёд карда шавад», — гуфт Шавкат Мирзиёев.
Ба шахсони масъул супориш дода шуд, ки дар бораи ҷойгиршавӣ ва лоиҳаи комплекси тиббии оянда таклиф пешниҳод кунанд. Он бо таҷҳизоти навтарин ҷиҳозонида, бо доруҳои бепул таъмин карда мешавад. Як гурӯҳ духтурону ҳамшираҳои шафқат, ки дар иттиҳодияи тиббии ноҳия кор мекунанд, барои такмили ихтисос ба хориҷа фиристода мешаванд. Дармонгоҳи нав инчунин ба маркази таълимию амалии кормандони беморхонаҳои дигари вилоят табдил меёбад.
Зимни сафар ба масъалаҳои баланд бардоштани иқтидори кадрӣ ва сифати хизматрасонии тиббӣ, ба тартиб андохтани ҳудуди беморхона низ дахл карда шуд.
