Бино ба иттилои намояндагии дипломатӣ, дипломатҳо дар ҷаласаи омодагӣ ба корҳои баҳории кишоварзӣ, ки таҳти роҳбарии муовини аввали раиси вилояти Атирау Серик Айдарбеков баргузор шуд, иштирок намуданд.
Дар чорабинӣ ҳамчунин ҳокимони ноҳияҳо, роҳбарони воҳидҳои сохтории ҳукумати вилоят, пулиси муҳоҷират, хадамоти сарҳадӣ, инчунин роҳбарони хоҷагиҳои деҳқонии минтақа иштирок доштанд, хабар медиҳад АИ “Дунё”.
Намояндагони Консулгарии генералӣ дар бораи тартиби қабули муташаккилона ва ҷалби шаҳрвандони Ӯзбекистон ба фаъолияти меҳнатии муваққатӣ, ки аз ҷониби Агентии муҳоҷирати меҳнатии хориҷии назди Вазорати шуғл ва муносибатҳои меҳнатии кишвар амалӣ карда мешавад, муфассал суханронӣ карданд.
Дар натиҷаи сафар оид ба барқарор намудани робитаҳои корӣ ва ҳамкориҳо тавофуқ ҳосил шуд.
